Ngai Baba, Thikĩrĩria
Ngĩkũhoya ndĩĩnyihĩtie;
Ndirĩ hinya, ndĩmũhũthũ,
Ndĩ na bata nawe mũno.

Ngai Baba, 'menyithagia
Ũria ũkwenda thĩinĩ wakwa;
Ndirikania watho waku
Na ũndeithie gwĩka wega.

Ngai Baba, ndirikania
Wĩ hakuhĩ hĩndĩ ciothe;
Ndikanagucio nĩ ũũru,
Njikarage ndĩ mũtheru.

Ngai Baba, ruta wĩra
Thĩinĩ wakwa hĩndĩ ciothe:
Nake Jesũ anenehio
Maũnduinĩ makwa mothe.

Ngai Baba, ndongoragia,
Ngwata guoko ũndirithie;
Ũgeni ũyũ wathira
Nginye gwaku ndĩ na thayũ.