Kũrĩa Daudi aciarĩirũo
Tene kwarĩ kiugũ;
Nĩho rĩmwe haraarire
Mũtumia na kaana;
Nyina nĩwe Mariamu,
Mwana nake nĩwe Jesũ.

Jesũ nĩoimire Igũrũ,
Akĩĩnyihia gũkũ thĩ;
Nĩ kiugũ aciarĩirũo,
Na agĩkomio mũharati;
Mwathani atũũrire
O ta ngĩa, na e Mũnene.

Na hingo yake ya wana,
Kũhorera no Jesũ;
Nĩendaga nyina mũno
Aarĩ mwana mũigua ma.
Twana tũtũ, mũtuĩke
Twana tũigua o take.

Akũrire o ta ithuĩ
Na nĩonaga o ũrĩa tuonaga;
Aiguaga kĩeha na gĩkeno,
Na agatheka na akarĩra:
O na rĩu amenyaga
Twathĩna na twakena.

Nĩtũkamuona na maitho,
Tondũ nĩwe watũkũrire:
Mwana ũcio mũhoreri
Rĩu nĩ Mwene-Hinya-Wothe;
Ningĩ kũu athiĩte
Nĩetaga twana twake.

Ti kiugũinĩ kĩa ng'ombe
Tũgakona kaana gakĩa;
Nĩ Igũrũ tũkamuona
Guokoinĩ kwa ũrĩo kwa Ngai;
Hamwe na twana twake
Tũrĩa tũmwĩhokete.